Frist 11.10.26
Kunstbygda Balestrand as er eit selskap med eit ideelt hovudføremål som er å bidra til at kunst og andre kulturuttrykk er viktige utviklingsfaktorar i Sogn. Kunstbygda Balestrand har base i Balestrand, med kontorplass på Norsk Reiselivsmuseum. Den rike kunsthistoria i Balestrand er grunnmuren for verksemda og utgjer eit viktig utgangspunkt for arbeidet vårt. Målet er å styrke trivsel og skaparglede i regionen ved mellom anna å skaffe ressursar til kunstaktivitetar, utvikle og presentere kunst og opplevingar i samarbeid med kunstnarar, reiselivet, kommunar og andre samarbeidspartar.
Selskapet har ledig stilling som dagleg leiar frå 01.01.2027. Stillinga er i dag 60 %. I samband med tilsettinga og i dialog med søkjarar vert det vurdert å auke stillingsprosenten.
I tillegg til den utlyste stillinga, har selskapet ei deltidsstilling som prosjektleiar.
I rolla som dagleg leiar vil du få ansvar for å gjennomføre dei oppdraga og prosjekt som selskapet til ei kvar tid har teke på seg. Du vil ha ansvar for å utvikle selskapet vidare i samarbeid med prosjektleiar og styret. Dette gjeld både i høve å utvikle nye prosjekt, og styrke det økonomiske grunnlaget til selskapet.
Kunstbygda Balestrand vert i dag finansiert av oppdragsmidlar og prosjektmidlar frå offentlege og private aktørar. Selskapet er i ein spanande fase, med høge ambisjonar og store moglegheiter. Du får ei sentral rolle i å forme den vidare utviklinga, retninga og posisjonen til selskapet, og det er mogleg for deg å setje ditt preg på korleis vi skal lukkast.
-
Gjennomføre oppdrag og prosjekt selskapet har ansvar for
-
Samarbeid og nettverk med andre aktørar i regionen
-
Kontakt med styreleiar og styret, saksførebuing og oppfølging av
styret sine vedtak
-
Administrative oppgåvene knytt til selskapet
-
Styrke finansiering av drift og prosjekt
-
Samarbeide med kommunar og bidra inn i ulike kommunale utval og
prosessar
- Har lyst og motivasjon til å jobbe med kunst og kultur som ein viktig utviklingsfaktor i lokalsamfunna i Sogn
- Er sjølvstendig, men og god til å spele på lag med andre tilsette og samarbeidsaktørar
- Har kjennskap til, og erfaring innan kunst- og kulturfeltet, eller anna relevant kompetanse
Løn etter avtale.
Send di søknad til: post@kunstbygda.no
Frist for søknad: 11.10.2026
-
Prosjektleiar Silje Forbes,
480 94 585
- Styreleiar Svein Arne Skuggen Hoff, 918 88 868